ahmed11190

ثقافية

رباعيات بيرم التونسي

رباعيات ببيرم

قريت ومليت كفايه
خوف السقوط والبطاله
وكل ما ازداد قرايه
بالـدنيـا أزداد جهـاله
****
يا طالب العلم تنداس
لو يبقى علمك بضاعه
تنفع وتستنفع الناس
لو كنت صاحب صناعه
****
يا عـالـم العلـم بالله
يـزيد فى نـور البصيره
واللى استنـارت نـواياه
يلقى الدهب فى الحصـيره
****
إن كـت تطلـب رضـا الله
يجعـل لك الـناس عبيدك
وإن كنت تطلب رضا الناس
أقـلهـم يبقـى سيـدك
*****
الحلـم والصـبر كنـزين
روتشيلد محتـاج إليهـم
واللى يقـول الكـنوز فين
إبـكـى يا عيـنى عليهـم (37)
**اللى يداديك داديـه
واجعل عيالك عبيده
واللى يعاديك عاديه
روحك مهياش بإيده
***********
دنيا تجاريب تجاريب
تاهت فيها البصاره
المعزه تجرى ورا الديب
والسبع تاكله الحماره
*************
الصبـر لأبأس بالصبـر
لكـل مـن راح تواسى
قلِّب كفوفك على الجمر
حـتى تنـول الخـلاصى
*************
لوكنـت خايـف مـن الله
ولا مـن القـبر والـهول
ما كنـت تغـتر بالجـاه
والظلم والجـور والصـول (37)
************* ***لم يخلق الرحمن مِثَل محـمدٍ
نبى الهدى اللى جانا بالقرآن
صلى عَلَيْكَ اللهُ يا عَلَمَ الهدى
يا نور العيون يا صفوة الرحمنِ"
بعدها تتوالى المربعات التى تصلى على النبى ومدحه :
"صـلاة النبى تغـنى عن القوت
وتمنع الـبلا 000 والمراضـى
يستـاهـل علقتـه بالسـوط
اللى معاه كفو الزياره ما راضى "
*****بيرم



Add a Comment